stell dr eini vor

Ä Tiärbildli-Faserpelz-Frau lauft mer entägä. Beesch mit Wolf und Baum und Mond.
zZüri uff dä Bahnhofstraas! Was macht dänn die da!
Tere iri Chind heisset sicher Kevin, oder Tscheienn.
Zum Goiffeur chännt sie au mal widr.
Aber tNegel sind tipptopp gmacht.
Hät sicher en Hund, oder gad drü.
Iräs Hobby, öppis nur für sii. Am Samschtig amigs id Hundeschuelig uf dr Wisä hinderem Dorf.
Ufdr Zinnä än Rasäteppich, und än Chugelgrill.
Zum Geburtstag gits öppis zum Abstaubä, vo Swarovski.
Aber wer weiss – vilicht fahrt si ja au friiwillig Behindertätaxi
und macht die beschtä Mailänderli vu dr Wält.

 

No Comments.

Leave a Reply

(required)

(required)